འདི་ལོར་ཟླ་བ་ ༥ ཚེས་ ༡༨ ནས་ ༣༡ བར་དཔལ་ལྡན་ཤེས་རིག་ལས་ཁུངས་ཀྱི་རིགས་ལམ་རྒྱུས་སྟོན་པ་དགེ་བཤེས་ངག་དབང་བརྩོན་འགྲུས་ལགས་ཀྱིས་རྡ་ཤོད་དཔེ་སྟོན་སློབ་གྲྭར་རིགས་ལམ་སློབ་ཁྲིད་དང་འབྲེལ་བའི་རྟོག་ཞིབ་དང་ལམ་སྟོན་གནང་བ་དང་། ཕྱི་ཚེས་ ༢༢ ནས་ ༣༠ བར་སློབ་གྲྭ་གྲོལ་མཚམས་སློབ་ཚན་གཞན་པའི་དགེ་རྒན་རྣམས་ལའང་རིགས་ལམ་གྱི་རྨངས་གཞི་བསྐྲུན་ཆེད་ཕྱག་ཚོད་ ༤།༡༥ ནས་ ༥།༣༠ བར་སློབ་ཁྲིད་གནང་བར་བཀའ་དྲིན་ཆེ་ཞུ་རྒྱུ་དང་། ཉིན་མཐའ་མར་ཚེས་ ༣༡ ཞོགས་པ་ཕྱག་ཚོད་ ༩།༣༠ ནས་ ༡༡ བར་་ཇི་ལྟར་གསོལ་བ་བཏབ་པ་བཞིན་དགེ་སློབ་ཡོངས་ལ་བློ་སྦྱོང་ཚིག་བརྒྱད་མའི་འགྲེལ་བརྗོད་ལེགས་པར་གནང་། དེའི་རྗེས་སུ་ཕྱག་ཚོད་ ༡༡།༣༠ ནས་ ༡ བར་དགེ་ལས་རྣམས་ལ་དམིགས་བསལ་གྱི་སྐྱེ་བ་སྔ་ཕྱི་དང་ལས་འབྲས། མཐུན་ལམ། དུས་ཚོད་སྟངས་འཛིན་གྱི་གལ་གནད། དེ་བཞིན་དགེ་རྒན་གྱི་ལས་གནས་ནི་གཞན་ཕན་སྒྲུབ་རྒྱུ་གཙོ་བོ་ཞིག་ཡིན་པའི་སྐོར་་རིན་ཐང་ཆེ་བའི་བླང་དོར་གྱི་བཀའ་སློབ་གནང་བའི་འདྲ་བར་འགའ།
རིགས་ལམ་སློབ་ཁྲིད་དང་འབྲེལ་བའི་རྟོག་ཞིབ་དང་ལམ་སྟོན།
